राष्ट्रिय स्वत्नत्र पार्टी (रास्वपा) सांसद पुरुषोत्तम यादवले नेकपा एमालेका नेता रामबहादुर बादललाई भूतले छलेको भन्दै झाँक्रीको व्यवस्था गर्न सरकारसँग माग गरेका छन् ।
बुधबार प्रतिनिधिसभा बैठकको शून्य समयमा बोल्दै सांसद यादवले केपी ओलीलाई छलेको भूतले बादललाई पनि छलेको भन्दै झाँक्रीको व्यवस्था गर्न माग गरेका हुन् ।
‘जुन भूतले कमरेड ओलीलाई छलेको थियो, त्यही भूतले कमरेड बादललाई छलेको देखिन्छ । त्यसैले म सरकारसँग जोडदार माग गर्दछु, भूत झार्ने झाँक्रीको व्यवस्था गरियोस्,’ यादवले भने, ‘जुन अपराधी कारागारको ढोकाभित्र हुनुपर्ने, अस्पतालको बेडमा छ । कुविचार यो संसदमा पठाउँदै छ ।’
यादवले जेन–जी आन्दोलन न्यायका लागि भएको दाबी गरे । उनी जेन–जी आन्दोलनबाट उदाएका नेता हुन् ।
प्रकाशित मिति : २०८२ चैत्र २५ गते बुधवार
