काठमाडौं । रियल लाइफ जोडी रितेश देशमुख र जेनेलिया डिसुजा अभिनित नयाँ चलचित्र ‘मिस्टर ममी’को फस्टलुक सार्वजनिक गरिएको छ । यो चलचित्रको फस्टलुकमा रितेश र जेनेलिया दुवैलाई गर्भवती भएको देखाइएको छ ।
फरक शैलीका कमेडी चलचित्रमा एक पुरुष गर्भवती भयो भने के हुन्छ भन्ने देखाउन खोजिएको छ । यो चलचित्रले एक महिलाले ९ महिना बच्चा गर्भमा राख्दा भोग्नुपर्ने विभिन्न समस्या र शारीरिक पीडा पुरुषले भोग्दा आउने परिस्थितिलाई देखाएको छ ।
चलचित्रलाई भुषण कुमार हेटिक सिनेमा प्रालिको ब्यानरमा निर्माण गरिएको छ । चलचित्रलाई शाद अलीले निर्देशन गरेका हुन् । यो चलचित्रको प्रदर्शन मिति भने सार्वजनिक गरिएको छैन ।
तर, चलचित्रको फस्टलुकले दर्शकमा भने एक प्रकारको कौतूहलता जगाएको छ ।
प्रकाशित मिति : २०७८ माघ २१ गते शुक्रवार
