काठमाडौं । रास्वपा सभापति रवि लामिछानेले संवैधानिक परिषद्ले प्रधानन्यायाधीशमा गरेको सिफारिस संविधानसम्मत रहेको बताएका छन् । स्थापित विधि र प्रक्रियाबाटै प्रधानन्यायाधीश सिफारिस भएको उनको भनाइ छ ।
रास्वपाका सांसदहरूका लागि आयोजित प्रशिक्षण कार्यक्रमलाई सम्बोधन गर्दै लामिछानेले प्रधानन्यायाधीशका लागि प्रस्तावित ६ जना सबै योग्य भएको बताए ।
उनले भने, ‘एक जना कसैले भनिदियोस् कसरी असंवैधानिक भयो रु ६ जनालाई योग्य भनेर संवैधानिक सिफारिस किन गरेको रु त्यहीँ असंवैधानिक भयो होला नि । ६ जनाको साटो वरिष्ठतम जो हुनुहुन्छ उहाँलाई नै दिनुपर्ने छ संविधानमा भनेको भए हुन्थ्यो । संवैधानिक परिषद्को बैठक नै बस्नु पर्थेन ।’
परम्परा भत्काइएको विषयमा टिप्पणी गर्दै उनले यदि परम्परा पछ्याइएको भए भागबन्डामै जानुपर्ने बताए ।
लामिछानेले थपे, ‘परम्परा भत्काइयो भनिरहेका छन् । यदि त्यही परम्परामा जाने भइदिएको भए ६ जनाको उपस्थिति भएको संवैधानिक परिषद्मा कसलाई कति जना भागबण्डा लगाउने भनेर छलफल चलिरहेको हुन्थ्यो । १ जनामा सकिन्नथ्यो । तर हामीलाई भागबण्डामा विश्वास छैन । हामी राजनीतिमा आउनु पूर्व नै बनेको विधि हो । हामी सरकारमा आउनुअघि सर्टलिस्ट आइपुग्यो । त्यसमध्ये एउटा छान्नुस भनियो । त्यही विधिलाई मानेर एकजनालाई सिफारिस गरेको हो । न्यायालयका विषयलाई धेरै अप्ठेरो बनाएर, टसल गरेर, चुनौतीपूर्ण ढंगका अभिव्यक्ति दिएर के लाभ हुन्छ रु जगहसाइ मात्र हुन्छ ।’
आफ्नो गर्दन अहिले पनि अदालतमै रहेको उनले बताए ।
‘मेरो कुरा गर्नुहुन्छ भने मेरो त गर्दन अहिले पनि त्यहीँ छ । त्यस्तो रिस उठेको छ भने चलाइदिनुस् हतियार । बुझाएर आएको छु आफ्नो गर्दन । होइन भने न्यायालयको गरिमा, प्रतिष्ठालाई सडकको विषय बनाउनु हुँदैन,’ उनले भने ।
