
दाङ । दाङ जिल्ला उद्योग बाणिज्य संघको आयोजनामा घोराहीमा सञ्चालन भएको दाङ औद्योगिक, पर्यटन तथा कृषि प्रदर्शनी २०७८ सकिएको छ । प्रदर्शनीको बुधबार एक कार्यक्रमको आयोजना गरि समापन गरिएको हो ।
संघको आयोजनामा ‘उद्योग व्यापार कृषि एवं पर्यटनको विकास, परनिर्भरमुखी अर्थतन्त्रको निकास’ भन्ने नाराका साथ यही फागुन २६ गते देखि चैत ९ गतेसम्म घोराही उपमहानगरपालिका वडा नं १४ को झिगौरामा भएको थियो । स्थानीय उत्पादनको बजारी करण, कृषि पशुपालनको प्रवद्र्धन, पर्यटनलाई व्यवसायीकरण गदै आर्थिक विकासमा टेवा पुर्याउने राष्ट्रिय तथा अन्तर्राष्ट्रिय वजारमा यहाँको उत्पादित वस्तु पहिचान गराउने र स्थानीय भाषा, साहित्य कला, परम्परागत सिप, धार्मिक क्षेत्र एवम् संस्कृतिको परिचय गराउदै संरक्षण एवम् सम्वर्द्धन गर्ने उदेश्यले प्रदर्शनीको आयोजना गरिएको मुल आयोजक समितीका संयोजक टंकसिंह बुढाथोकीले जानकारी दिए ।
यस क्षेत्रमा स्थापित प्राकृतिक, सांस्कृतिक तथा धार्मिक पर्यटकीय स्थलहरुको प्रचार प्रसार गर्ने, दाङ जिल्लाको आर्थिक विकास पुर्वाधार विकास सक्रियता बढाउने, योजना निर्माणमा सहयोग पुर्याउने, स्थानीय उत्पादनलाई प्राथमिकता दिइ राष्ट्रिय अर्थ तन्त्रलाई टेवा पुर्याउनु पर्दछ भन्ने सन्देश प्रभाव गर्ने, दाङलाई आगामी दिनमा औद्योगिक गन्तव्य स्थल बनाई लगानीमैत्री वातावरण निर्माणको सन्दर्भमा सरोकारवालाहरुको ध्यानाकषर्ण गराउने लक्ष्य लिएको थियो ।

यस क्षेत्रमा उत्पादित हुने कृषि जन्य वस्तुहरु तथा जडीवुटिहरुको बारेमा उपभोक्ताहरुलाई जानकारी गराउदै बजारीकरणमा सहयोग गर्ने, व्यवसायिक सचेतनाको अभिबृद्धि गरि गुणस्तरीय वस्तु उत्पादन र उपभोक्ता जगतमा सजकता ल्याउन ग्राहक र उत्पाादनकर्ताको प्रत्यक्ष भेट गराउने, लक्ष्मीपुर औद्योगिक क्षेत्रको विकास तुलसीपुर विमान स्थलको स्तर उन्नती, नारायणपुर विमानमा तिव्रता दिन, स्थानीय प्रदर्शनीको स्थलको निर्माणको लागि अन्तरक्रिया, सभागृहको पार्किङको जग्गामा अन्डरग्राउण्ड पार्किङ सहितका कम्पलेक्स निर्माणको योजना अगाडि वढाउने उदेश्य लिएर प्रदर्शनी आयोजना गरिएको थियो ।
समापन कार्यक्रममा बोल्दै लुम्बिनी प्रदेशका उर्जा, जलस्रोत तथा सिंचाइ राज्यमन्त्री अर्जुनकुमार श्रेष्ठले प्रदर्शनीले यस क्षेत्रमा कृषि जन्य वस्तु बजारीकरणमा सहयोग पुगेको बताए । यसले उद्यमीलाई प्रोत्सान गर्ने उनको भनाइ रहेको थियो । जिल्ला रहेका पर्यटकीय क्षेत्रको प्रचार प्रसारमा समेत प्रदर्शनीले सहयोग पुगेको बताए ।
यस प्रकारका कार्यले जिल्लामा धेरै पर्यटकीय क्षेत्रको विकास गर्ने राज्य मन्त्री श्रेष्ठले भने । विकासका कार्यलाई अगाडि बढाउन निजी क्षेत्रसँग सहकार्य गरेर अगाडि बढ्न आफुहरु तयार रहेको उनको भनाइ रहेको थियो ।
जिल्लाको विकासमा दाङ जिल्ला उद्योग वाणिज्य संघले महत्वपुर्ण भूमिका खेलेको बताए । एसियाको ठुलो उपत्यका भए पनि खुल्ला जग्गाको व्यवस्थापन गर्ने नसकिएको राज्य मन्त्री श्रेष्ठले भने । कार्यक्रममा बोल्ने बक्ताहरुले संघले आयोजना गरेको प्रदर्शनी सफल भएको बताएका थिए । संघले लिएको उदेश्य पुरा गर्ने अगाडि बढ्न समेत उनीहरुले आगग्रह गरेका थिए । खुल्ला स्थानको व्यवस्थापन गर्ने सबै मिलेर अगाडि बढ्नु पर्ने उनीहरुको भनाइ रहेको थियो ।
कार्यक्रममा संघका संस्थापक अध्यक्ष तोरणध्वज श्रेष्ठ, नेकपा एमालेका जिल्ला अध्यक्ष हुकुमवहादुर वस्नेत, नेपाली काँग्रेसका जिल्ला उपसभापति कमानसिंह भारती, राष्ट्रिय जनमोर्चाका जिल्ला अध्यक्ष गणेश आचार्य, राष्ट्रिय जनमोर्चा जिल्ला समन्वय समितिका लिलावहादुर पुन, कृषि विकास बैक लुम्विनी प्रदेश कार्यालयका प्रमुख गिरीराज रेग्मी, नेपाल पत्रकार महासंघ दाङ शाखा अध्यक्ष दुर्गालाल केसी, घरेलु तथा साना उद्योग कार्यालयका निमित्त प्रमुख उमबहादुर वली, घोराही उपमहानगरपालिकाका प्रतिनिधि तथा वडा नं १४ का वडाध्यक्ष शक्तिराम डाँगी, तुलसीपुर उद्योग वाणिज्य संघका उपाध्यक्ष ललितजं शाह, नारायणपुर उद्योग वाणिज्य संघका अध्यक्ष अभियान बस्नेत लगायतकाले भनाइ राखेका थिए ।
संघका अध्यक्ष टंकसिंह बुढाथोकीको अध्यक्षतामा भएको थियो । संघका वरिष्ठ उपाध्यक्ष नरेश कार्कीको स्वागत मन्तव्याट सुरु भएको कार्यक्रममा सहभागीहरुलाई धन्यवाद ज्ञापनन वाणिज्य उपाध्यक्ष रामप्रसाद पोख्रेलले गरेका थिए ।
कार्यक्रमको सहजीकरण संघका महासचिव महेन्द्र बुढाथोकीले गरेका थिए । कार्यक्रममा उद्घाटन कार्यक्रममा रेयालीका उत्कृष्ट हुनेलाई पुरस्कार प्रदान गरिएको थियो । त्यसैगरेर विभिन्न समिति तथा उपसमिति, विभिन्न माध्यमबाट सहयोग गर्नेलाई करद पत्रले सम्मान गरिएको थियो । अन्तिम दिन पनि दर्शकहरुको उल्लेखनीय सहभागिता रहेको थियो ।
स्थापना दिवसको अवरमा रक्तदान
दाङ जिल्ला उद्योग वाणिज्य संघको स्थापना दिवसो अवसरमा रक्तदान गरिएको छ । संघको ५२ औँ स्थापना दिवसको अवसरमा रक्तदान गरिएको हो । प्रदर्शनी स्थल घोराही १४ झिगौरामा नै रक्तदान गरिएको हो ।
सो अवसरमा २१ जनाले रक्तदान गरेका थिए । रक्तदान कार्यक्रममा प्राविधिक सहयोग रेडक्रस सोसाइटी घोराहीले गरेको थियो । संघको स्थापना २०२७ साल चैत ९ गते भएको हो ।