श्रीमतीको हत्याको आरोपमा श्रीमान पक्राउ

चन्द्रौटा। कपिलवस्तुमा श्रीमतीको हत्याको आरोपमा श्रीमान पक्राउ परेका छन् । जिल्लाको महाराजगञ्ज नगरपालिका वडा नं. ११ बाबा बनगाईका ४५ वर्षीय रामकेवल लोनिया रहेका छन् ।

उनले ३५ वर्षीया श्रीमती चिन्का लोनियालाई गत भदौ १५ गते काठ लिन जाने बहाना बनाई बुद्धभूमि नगरपालिका वडा नं.९ चम्पापुरस्थित कपिलबस्तु साझेदारी सामुदायिक जंगलमा लगेर हत्या गरी फरार भएका थिए।

लोनियालाई खोज तलास गर्ने क्रममा कार्तिक १९ गते बिहान बुद्धभूमि नगरपालिका–९ डुमराबाट ईलाका प्रहरी कार्यालय गोरुसिङेबाट खटिएको प्रहरी टोलीले पक्राउ गरेको हो ।

भदौ १५ गतेदेखि हराएकी चिन्काको शबको कंकाल असोज १७ गते जंगलमा फेला पारेको कपिलवस्तुका प्रहरी नायव उपरिक्षक धर्मराज भण्डारीले बताए । लोनियामाथि कर्तव्य ज्यान मुद्दामा अनुसन्धान भइरहेको प्रहरीले जनाएको छ।