बाँके । बाँकेमा पत्नी कुटेर हत्या गरेको आरोपमा प्रहरीले एक जनालाई पक्राउ गरेको छ ।
कोहलपुर नगरपालिका–३ भगरीया घर भएका ३४ वर्षीय प्रकाश न्यौपानेलाई पक्राउ गरिएको इलाका प्रहरी कार्यालय कोहलपुरका डिएसपी रविन्द्र खनालले जानकारी दिए ।
असोज ८ मा प्रकाशले पत्नी लक्ष्मीरुपा न्यौपानेलाई कुटेर नालामा धकेलेका थिए ।
कुटपिटबाट गम्भीर घाइते भएकी ३५ वर्षीया लक्ष्मी रुपाको उपचारको क्रममा कोहलपुर मेडिकल कलेजमा मृत्यु भएपछि पत्नी हत्यामा संलग्न प्रकाशलाई कर्तव्य ज्यान मुद्दामा म्याद लिएर अनुसन्धान भइरहेको डिएसपी खनालले बताए ।
प्रकाशित मिति : २०७८ असोज १० गते आइतवार
