दाङ । एएफसी महिला एसियन कप-२०२२ छनोट अन्तर्गतको दोस्रो खेलमा नेपालले आज (मंगलबार) हङकङको सामना गर्दैछ । उज्वेकिस्तानको तास्केन्तस्थित जेएआर मैदानमा समूह ‘एफ’को खेलमा नेपालले हङकङसँग प्रतिस्पर्धा गर्न लागेको हो ।
यसअघि नेपाल समूह ‘एफ’ को पहिलो खेलमा फिलिपिन्ससँग पराजित भइसकेको छ । आगामी वर्ष भारतमा आयोजना हुने एएफसी महिला एसियन कपमा स्थान बनाउने सम्भावना कायम राख्न नेपाल मंगलबार ‘गर या मर’ को स्थितिमा रहेको छ ।
फिफाको महिला वरीयतामा नेपाल १०१ र हङकङ ७६ स्थानमा छ ।
प्रकाशित मिति : २०७८ असोज ५ गते मङ्गलवार
