तुलसीपुर । तुलसीपुरमा शुक्रबार फेला परेको झोला इलाका प्रहरी कार्यालय तुलसीपुरले सम्बन्धित ब्यक्तिलाई फिर्ता गरेको छ ।
चितवन भरतपुर महानगरपालिका वडा नं. ६ कृष्णपुर निवासी भावना पौडेल माईती घर तुलसीपुर ९ बेलुवा जाने क्रममा पिपल चौतारमा विश्राम गर्ने क्रममा झोला विर्सेर गएपछि उक्त झोला प्रहरी हवलदार यज्ञबहादुर थापाले फेला पारेका थिए ।
फेला परेको उक्त झोला भित्र एक थान मोबाइल, एक थान पर्स, पाँच आनाको मंगलसुत्र नगद १६ हजार रहेको थियो ।
प्रहरीले शनिबार सम्बन्धित व्यक्ति पौडेललाई झोला बुझाएको इलाका प्रहरी कार्यालय तुलसीपुरका प्रहरी प्रमुख डीएसपी श्यामु अर्यालले जानकारी दिए ।
प्रकाशित मिति : २०७८ असोज २ गते शनिवार
