कपिलवस्तु (चन्द्रौटा) । कपिलवस्तुमा बस दुर्घटना हुँदा १८ जना घाइते भएका छन् । पूर्व पश्चिम राजमार्ग अन्तर्गत शिवराज नगरपालिका वडा १ बनकसवासामा शनिवार बिहान ४ बजे बस पल्टिएको हो ।
काठमाडौँबाट यात्रु लिएर रुकुम हिँडेको बस कपिलवस्तुको चन्द्रौटा बजार देखि झन्डै ८ किलोमिटर पश्चिममा उक्त दुर्घटना भएको हो।
ना ८ ख २९६ न.को बस आफै अनियन्त्रित भई सडकको बायाँ साईडमा पल्टिएको वडा प्रहरी कार्यालय चन्द्रौटाले जनाएको छ । वसमा सवार ३१ जना यात्रु मध्ये १८ जना घाइते भएको प्रहरी निरीक्षक सङ्कर आचार्यले बताउनुभयो ।
घाइते रहेका १३ जनाको अवस्था सामान्य रहेको र ५ जनाको मध्यम रहेकोले थप उपचारको लागि बुटवल पठाइएको छ ।
बसका चालक फरार रहेकोले उनको खोजी भइरहेको र घाइतेहरुको चन्द्रौटा स्थित सञ्जीवनी सामुदायिक अस्पतालमा उपचार भइरहेको प्रहरीले जनाएको छ ।
प्रकाशित मिति : २०७८ असोज २ गते शनिवार
