काठमाडौं– नेपाली बजारमा सुन र चाँदीको मूल्यमा सोमवार उल्लेखनीय वृद्धि भएको छ। नेपाल सुनचाँदी व्यवसायी महासंघका अनुसार छापावाल सुनको मूल्य तोलामा ८०० रुपैयाँले बढेको हो।
आइतवार तोलामा १ लाख ९५ हजार ५०० रुपैयाँमा कारोबार भएको छापावाल सुन सोमवार तोलामा १ लाख ९६ हजार ३०० रुपैयाँमा पुगेको महासंघले जनाएको छ।
त्यस्तै, तेजाबी सुनको मूल्य पनि वृद्धि भई तोलामा १ लाख ९५ हजार ७५० रुपैयाँमा कायम भएको छ।
चाँदीको मूल्यमा समेत सानो वृद्धि देखिएको छ। आइतबार तोलाको २ हजार ३१० रुपैयाँ रहेको चाँदी सोमबार ५ रुपैयाँ बढेर २ हजार ३१५ रुपैयाँमा कारोबार भएको हो।
महासंघका अनुसार अन्तर्राष्ट्रिय बजारमा देखिएको उतारचढाव र मागमा आएको परिवर्तनका कारण स्थानीय बजारमा समेत सुनचाँदीको मूल्यमा प्रभाव देखिएको हो।
प्रकाशित मिति : २०८२ भाद्र २ गते सोमवार
