काठमाडौँ । हालसम्मकै उच्च विन्दुबाट आज सुनको भाउ सामान्य घटेको छ ।
आज आइतबार छापावाला सुनको भाउ तोलामा दुई सय रुपैयाँ घटेर प्रतितोला एक लाख ९९ हजार दुई सय रुपैयाँमा कारोबार भइरहेको नेपाल सुनचाँदी रत्न तथा आभूषण महासंघले जनाएको छ ।
यसअघि शुक्रबार सुनको भाउ हालसम्मकै उच्च प्रतितोला एक लाख ९९ हजार चार सय रुपैयाँमा कारोबार भएको थियो ।
यता आज असली चाँदीको भाउ भने तोलामा पाँच रुपैयाँ बढेको छ । जस अनुसार आज चाँदीको भाउ प्रतितोला दुई हजार तीन सय ३० रुपैयाँ कायम भएको छ ।
शुक्रबार चाँदी प्रतितोला दुई हजार तीन सय २५ रुपैयाँ कायम भएको थियो ।
प्रकाशित मिति : २०८२ साउन २५ गते आइतवार
