काठमाडौं : माघको अन्तिम दिन २७ सय रुपैयाँले घटेको सुनको मूल्य फागुनको पहिलो दिन २३ सय रुपैयाँले बढेको छ।
अघिल्लो दिनको तुलनामा आज सुनको तोलामा २३ सय रुपैयाँ बढ्दा चाँदी तोलामा ३५ रुपैयाँ बढेको नेपाल सुनचाँदी व्यवसायी महासंघले जनाएको छ।
महासंघका अनुसार आज छापावाल सुनको मूल्य तोलामा १ लाख ६९ हजार ८०० रुपैयाँ कायम भएको छ।
बुधबार छापावाल सुनको मूल्य तोलामा १ लाख ६७ हजार ५०० रुपैयाँ थियो।
यस्तै बुधबार तोलामा १ हजार ९३० रुपैयाँमा कारोबार भएको चाँदी आज तोलाको १ हजार ९६५ रुपैयाँ कायम भएको महासंघले जनाएको छ।
प्रकाशित मिति : २०८१ फाल्गुन १ गते बिहिवार
