काठमाडौँ । नेकपा एमालेका वरिष्ठ उपाध्यक्ष ईश्वर पोखरेलले भ्रष्टाचार र आर्थिक अनियमिततामा संलग्न सबैलाई कानून र विधिसम्मत ढंगले कारबाही हुने बताएका छन् ।
काठमाडौँ ३१ नम्वरको वडा कमिटीलाई सम्बोधन गर्दै उनले अनियमितता गर्ने जोकोहीलाई छुट नहुने र कारवाही गर्नु पर्छ भन्नेमा एमाले दृढ रहेको दाबी गरेका थिए ।
उनले केही कमजोरीलाई लिएर सामाजिक सद्भाव फैलाउने कोशिस भइरहेको भन्दै देशमा अराजकता फैलाउने र सद्भाव खलबलाउने छुट कसैलाई नभएको बताएका थिए ।
सहकारी प्रकरणमा संसदीय समितिको प्रतिवेदन कार्यान्वयन गर्दा भेदभाव भएको आरोप लगाउने गरेको उल्लेख गर्दै पोखरेलले कांग्रेस र एमालेका नेताहरूमाथि पनि प्रश्न उठे अनुसन्धानको दायरामा आउने स्पष्ट पारे ।
प्रकाशित मिति : २०८१ कार्तिक ११ गते आइतवार
