काठमाडौँ / आइतबार नेपाली बजारमा सुनचाँदीको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार गत शुक्रबारको तुलनामा आइतबार सुनको भाउ प्रतितोला ६ सय रुपैयाँले घटेको हो ।
शुक्रबार प्रतितोला १ लाख ५२ हजार ९ सय रुपैयाँ रहेको सुनको भाउ घटेर १ लाख ५२ हजार ३ सय रुपैयाँमा झरेको हो ।
यता, चाँदी प्रतितोला २५ रुपैयाँले घटेको महासङ्घले जनाएको छ । यसअघि प्रतितोला १ हजार ८ सय २० रुपैयाँ रहेको चाँदीलाई आज १ हजार ७ सय ९५ रुपैयाँ मात्रै पर्नेछ ।
प्रकाशित मिति : २०८१ भाद्र १६ गते आइतवार
