तुलसीपुर। तुलसीपुर वडा नम्बर १२ मा जारी सर्वाधिक पुरस्कार राशिको दोश्रो हिरा डाँगी स्मृति कप आमन्त्रित फुटबल प्रतियोगिता २०७९ को फाईनलमा टरिगाउँ युवा क्लब प्रवेश गरेको छ ।
हिरा डाँगी फाउण्डेसन तुलसीपुर ५ को आयोजनामा संचालित प्रतियोगिताको शनिबार सम्पन्न पहिलो सेमिफाइनल खेलमा एसएसएफएलाई ट्राईवेकरमा दुईका विरुद्ध चार गोलले पराजित गर्दै टरिगाउँ युवा क्लबले फाईनल यात्रा तय गरेको हो ।
अरनिको मैदानमा भएको शसक्त र शानदार खेलको निर्धारित समय सम्म ३-३ गोलको बराबरी भएपछी खेलको नतिजा ट्राईवेकरबाट निकालिएको हो । यसैबिच प्रतियोगिता अन्तरगत भोलि आइतबार हुने अन्तिम सेमिफाइनलमा लखनउको साहारा फुटबल क्लब र ज्ञानज्योती ईनोभेटिभ तुलसीपुर भिड्नेछ । खेल आइतवार दिउँसो ३ बजे हुनेछ ।
स्थानीय स्तरमा फुटबल खेलको पहुँच अभिवृद्धि गर्ने र व्यवसायिक फुटबल खेलको विकासमा थप टेवा पु-याउने उदेश्यका साथ आयोजना गरिएको प्रतियोगिताको उपाधि चुम्ने टिमले नगद १ लाख ५१ हजार पुरस्कार, कप, मेडल, प्रमाणपत्र हात पार्नेछ । त्यस्तै उपविजेताले नगद ७५ हजार ५ सय, कप, मेडल, प्रमाणपत्र हात पार्नेछ ।
त्यस्तै प्रतियोगिता अवधिभर सर्वोत्कृष्ट खेल प्रर्दशन गर्ने व्यक्तिगत बिधा तर्फ सर्वोउत्कृट खेलाडी, उत्कृष्ट गोलकिपर र सर्वाधिक गोलकर्ताले जनही ३ हजार ट्रफि र प्रमाणपत्र हात पार्नेछन ।
त्यस्तै प्रत्येक म्याचको म्यान अफ द म्याच घोषित हुने खेलाडीलाई केही नगद सहित ट्रफीको व्यवस्था गरिएको आयोजकले जानकारी दिएको छ ।
