लमही । दाङको पूर्व–पश्चिम राजमार्ग अन्तर्गत लमही–१ नर्तीमा दुर्घटनामा हुँदा एक जनाको मुत्यु भएको छ ।
पूर्व–पश्चिम राजमार्गमा लु ५ प ४९८१ नम्बरको मोटरसाइकल अनियन्त्रित भई दुर्घटना हुँदा लमही नगरपालिका–३ का ३० वर्षीय किसन चौधरीको मुत्यु भएको हो ।
उनको लमही अस्पतालमा उपचारको क्रममा मुत्यु भएको जिल्ला प्रहरी कार्यालय दाङका डिएसपी मुकुन्द रिजालले जानकारी दिए ।
मंगलबार राती भालुबाङबाट लमही तर्फ आउने क्रममा नर्ती पुल नजिकै मोटरसाइकल दुर्घटनामा परेको हो ।
त्यस्तै मोटरसाइकलको पछाडी सवार कपिलवस्तु वुद्धभूमि नगरपालिका–८ का २८ वर्षीय विरेन्द्र यादव घाईते भएका छन् । उनको भैरवा मेडिकल कलेजमा उपचार भइरहेको प्रहरीले जनाएको छ ।
प्रकाशित मिति : २०७८ चैत्र ९ गते बुधवार
