तुलसीपुर । नेपाल पत्रकार महासंघ दाङका सदस्य सुमन केसीको वुवा खीमबहादुर के.सीको ४५ बर्षको उमेरमा असामयिक निधन भएकोले १३ औँ दिनको पुण्य तिथिमा नेपाल पत्रकार महासंघ दाङ शाखा, प्रेस सेन्टर दाङ, नेपाल प्रेस युनियन दाङ, प्रेस चाैतारी दाङकाे आयाेजनामा केसी निवास तुलसीपुर १५ मा श्रद्धाञ्जली कार्यक्रम आज बिहीवार सम्पन्न भएकाे छ ।
नेपाल पत्रकार महासंघ दाङ शाखा अध्यक्ष दुर्गालाल केसीकाे अध्यक्षतामा भएकाे कार्यक्रममा नेपाल प्रेस युनियनका गाेपाल शर्मा भट्टराई र प्रेस सेन्टरका जिल्ला उपाध्यक्ष एवं तुलसीपुर उपमहानगरपालिका अध्यक्ष दामाेदर बस्नेत (राकेश) ले श्रद्धाञ्जली मन्तव्य व्यक्त गरेका थिए ।
कार्यक्रममा सहभागीलाई स्व.केसीका बुवा हुमबहादुर केसीले धन्यवाद ज्ञापन गरेका थिए । कार्यक्रमकाे सहजीकरण सचिव आर.के.शीतलले गरेका थिए ।
प्रकाशित मिति : २०७८ फाल्गुन १९ गते बिहिवार
