प्युठान । प्युठानको गौमुख गाउँपालिकास्थित ओखरपाटामा जिप दुर्घटना हुँदा ६ जनाको घटनास्थलमै र २ जनाको जिल्ला अस्पताल प्युठानमा उपचारको क्रममा मृत्यु भएको हो ।
मृत्यु हुनेमा ५ महिला र तीन पुरुष रहेको र ५ जना घाइते भएको जिल्ला प्रहरी कार्यालय प्यूठानका सूचना अधिकारी इन्सपेक्टर देविप्रसाद गैरेले जानकारी दिए । मृतको अहिलेसम्म सनाखत हुन सकेको छैन।
बेहुली लिएर फर्किंदै गरेको ग १ ज ५०९२ नम्बरको जिप बिहान तीन बजेतिर दुर्घटनामा परेको हो । दुर्घटनाको कारण पनि नखुलेको प्रहरीले जनाएको छ ।
नौबहिनी गाउँपालिकाको लुङबाट बेहुली लिएर गौमुखी गाउँपालिकाको लिवाङ फर्किंदै गर्दा शनिबार जिप सडक देखि ३०० मिटर तल खोल्सामा खसेको थियो ।
सदरमुकामभन्दा टाढा भएकोले घटनाको सबै विवरण आइनसकेको उनको भनाइ छ ।
प्रकाशित मिति : २०७८ माघ २२ गते शनिवार
