दाङ । दाङमा कोइलाखानीमा च्यापिएर एक जनाको मृत्यु भएको छ । मृत्यु हुनेमा घोराही उपमहानगरपालिका वडा नं. १९ का ४६ वर्षीय भक्त बहादुर घर्ती रहेका छन् ।
घोराही वडा नं. १ को दाङ्जामा रहेको पशुपति कोईलाखानी उद्योगमा काम गर्ने क्रममा घर्ती च्यापिएका हुन् । च्यापिएर घाइते भएका घर्तीलाई उपचारको लागि तीन बजे राप्ती स्वास्थ्य विज्ञान प्रतिष्ठानमा ल्याएको र उनको उपचारको क्रममा दिउँसो सवा तीन बजे मृत्यु भएको प्रहरीले जनाएको छ ।
प्रकाशित मिति : २०७८ मङ्सिर २७ गते सोमवार
