दाङ–
पश्चिम दाङमा भिरबाट लडेर एक जना वृद्धको मृत्यु भएको छ । शान्तीनगर गाउँपालिका १ का ७० वर्षिय जरसिङ कामीको भिरबाट लडेर मृत्यु भएको हो ।
आफ्नो घरको एकसय मिटर पुर्वतर्फ रहेको खरबारीको भिरबाट करिव १२ मिटर तल लडिरहेको अवस्थामा कामीको शव फेला परेको इलाका प्रहरी कार्यालय तुलसीपुरका प्रमुख डिएसपी श्यामु अर्यालले जानकारी दिनुभयो ।
कुनबेला र के कारणले लडेकोे एकिन नभएपनि उहाँ आज बिहानमात्र करिव साढे आठ बजे मृतअबस्थामा भेटिएको उहाँले बताउनुभयो । शबलाई पोष्टमार्टमका लागि राप्ती प्रादेशिक अस्पतालमा राखिएको छ ।
प्रकाशित मिति : २०७८ कार्तिक २५ गते बिहिवार
