काठमाडौं । नवनियुक्त तीन प्रदेश प्रमुखले पद तथा गोपनीयताको शपथ लिएका छन्। बिहीबार शीतल निवासमा आयोजित विशेष समारोहमा प्रदेश १, कर्णाली र सुदूरपश्चिमका प्रदेश प्रमुखहरुले शपथ लिएका हुन् ।
प्रदेश १ का प्रदेश प्रमुख परशुराम खापुङ, कर्णालीका प्रदेश प्रमुख तिलक परियार र सुदूरपश्चिमका प्रदेश प्रमुख देवराज जोशीले शपथ लिएका हुन्।
राष्ट्रपति विद्यादेवी भण्डारीले तीनै जनालाई पद तथा गोपनीयताको शपथ खुवाएकी छन्। उनीहरूलाई राष्ट्रपति भण्डारीले २३ कात्तिकमा प्रदेश प्रमुख नियुक्त गरेकी थिइन्।
यसअघि केपी शर्मा ओली नेतृत्वको सरकारका पालामा नियुक्त भएका प्रदेश प्रमुखलाई हटाइएको थियो।
प्रकाशित मिति : २०७८ कार्तिक २५ गते बिहिवार
