सल्यान–
सल्यानमा यात्रुबहाक बस दुर्घटनामा परी मृत्यु हुनेको संख्या १२ जना पुगेको छ । दुर्घटनामा १० महिला र २ पुरुषको मृत्यु भएको जिल्ला प्रहरी कार्यालय सल्यानका प्रमुख डिएसपी गोविन्द थापाले जानकारी दिनुभयो ।
उहाँका अनुसार मृतकको अझै सनाखत हुन सकेको छैन् । तिब्र गतिका कारण बस दुर्घटनामा परेको हुन सक्ने उहाँले बताउनुभयो ।
सल्यान खलंगादेखि दाङको तुलसीपुर जाँदै गरेको ना २ ख २५५२ नम्बरको बस आइतबार बिहान कपुरकोट गाउँपालिका ५ खारखोलामा दुर्घटना भएको हो ।
बसमा ३० जना सवार रहेको अनुमान गरिएको छ । बस सडकदेखि २०० मिटर तल खोलामा खसेको हो ।
प्रकाशित मिति : २०७८ कार्तिक २१ गते आइतवार
