सल्यान, २१ कात्तिक ।
सल्यानमा यात्रुबहाक बस दुर्घटनामा मृत्यु हुनेको संख्या ९ जना पुगेको छ । राप्ती राजमार्ग अन्तर्गत कपुरकोट गाउँपालिका वडा नम्बर ५ खारखोलामा यात्रुबहाक बस दुर्घटनामा परेको हो ।
सल्यान खलंगादेखि दाङको तुलसीपुर जाँदै गरेको ना २ ख २५५२ नम्बरको बस आइतबार बिहान कपुरकोट गाउँपालिका ५ खारखोलामा दुर्घटना भएको हो ।
बसमा ३० जना सवार रहेको अनुमान गरिएको छ । बस सडकदेखि २०० मिटर तल खोलामा खसेको हो ।
अहिले प्रहरी टोली घटनास्थल पुगेर उद्दार गरेर दाङ र सल्यानका विभिन्न अस्पतालमा लगिएको डिएसपी गोविन्द थापाले जानकारी दिनुभयो । घाईते र मृतकको सनाखत हुन बाकि रहेको उहाले बताउनुभयो ।
प्रकाशित मिति : २०७८ कार्तिक २१ गते आइतवार
