बिजौरी । नेपाली काँग्रेस तुलसीपुर वडा नं. १८ ले पीडित किसानलाई राहत दिन सरकारसँग माग गरेको छ । १८ का सभापति बिरेन्द्र खड्काले स्थानीय सरकारसँग पीडित किसानहरुलाई राहत दिन आग्रह गरेका हुन् ।
लगातारको वर्षाले गर्दा भित्र्याउन लागेको तुलसीपुर १८ क्षेत्रभित्रका खोली गाउँ, बाँसडबर, जमनीलगायतका विभिन्न स्थानहरुमा धानबालीमा क्षति पुगेको भन्दै त्यसमा स्थानीय सरकारले गम्भीरका साथ लिनुपर्ने खड्काले बताएका छन् ।
वर्षाले धानबालिमा पुर्याएको क्षतिको सत्यतथ्य विवरण संकलन गरि पीडित किसानलाई तत्काल क्षतिपूर्ति तथा राहत दिन स्थानीय सरकारलाई आग्रह गरेका छन् ।
प्रकाशित मिति : २०७८ कार्तिक ७ गते आइतवार
