प्युठान, ३ कार्तिक ।
प्युठानमा खोलाले बगाउँदा १ जनाको मृत्यु भएको छ भने दुई जना वेपत्ता भएका छन् । माण्डवी गाउँपालिका वडा नम्बर ४ मा आरन खोलाले बगाउँदा सोही ठाउँकै २८ वर्षिय देवीसरा कार्कीको मृत्यु भएको छ ।
खोला तर्ने क्रममा उहाँका २ वर्षिय छोरा दिनेश कार्की र माण्डवी-२ ढाकावनका मधु अधिकारीकी ८ वर्षिय छोरी अनुष्का अधिकारी वेपत्ता भएको लुम्बिनी प्रदेश प्रहरी कार्यालय तुलसीपुरका प्रहरी प्रवक्ता एसएसपी राजेन्द्र सिंह खडकाले जानकारी दिनुभयो ।
उहाँका अनुसार बिहान पौने १० बजे खोला तर्ने क्रममा उनीहरुलाई खोलाले बगाएको हो । वेपत्ताहरुको खोजी कार्य जारी रहेको प्रहरीले जनाएको छ ।
प्रकाशित मिति : २०७८ कार्तिक ३ गते बुधवार
