काठमाडौँ– मुगुमा बस दुर्घटना हुँदा २३ जनाको मृत्यु भएको छ। १८ जना घाइते भएका छन्। नेपालगञ्जबाट मुगुको गमगढी जाँदै गरेको भे १ ख ३१६७ नम्बरको बस दुर्घटनामा परेको हो।
जुम्ला–मुगु सडकखण्ड अन्तर्गत मुगुको राराछायानाथ–७ पिनातपने खोलामा बस दुर्घटना भएको हो।
सञ्चार सम्पर्क कमजोर रहेकाले विस्तृत विवरण आउन कठिन भएको प्रहरीले जनाएको छ । बस सडकबाट अन्दाजी साढे दुई सय मिटर तल खसेको प्रहरी निरीक्षक जनकबहादुर धामीले जानकारी दिए।
घटनास्थलमा प्रहरीसहित प्रमुख जिल्ला अधिकारीको टोली पुगेको छ । दिउँसो १ बजेतिर दुर्घटना भएको हो ।
प्रकाशित मिति : २०७८ असोज २६ गते मङ्गलवार
