बेलझुण्डी । नेपाल संस्कृत विश्वविद्यालयले सरकारी सेवाबाट अवकाश प्राप्त व्यक्तिलाई हटाउने निर्णय भइसक्दा पनि हालसम्म हाजिर गराउँदै आएको पाइएको छ । संस्कृत विश्वविद्यालयअन्तर्गत आयुर्वेद अध्ययन संस्थानको डिन प्रा.डा. चन्द्रप्रकाश भुसाल तथा केन्द्रीय आयुर्वेद विद्यापीठको क्याम्पस प्रमुख प्रा.डा. रामचन्द्र अधिकारीको जिम्मेवारीबाट हटाउने निर्णय भइसके पनि विश्वविद्यालय प्रशासनले उक्त निर्णय कार्यान्वयन नगरेको पाइएको हो।
सम्बन्धित निकायबाट दुवै जनालाई जिम्मेवारीबाट हटाउने निर्णय भइसकेको अवस्थामा पनि विश्वविद्यालय प्रशासनले उनीहरूलाई हालसम्म हाजिर गराउँदै आएको आरोप छ। निर्णय कार्यान्वयन नगरी पुरानै अवस्थालाई निरन्तरता दिइएपछि विश्वविद्यालय प्रशासनको कार्यशैलीमाथि प्रश्न उठेको छ।
सरकारी निर्णय कार्यान्वयन गर्नुपर्ने अवस्थामा विश्वविद्यालय प्रशासनले अवकाशप्राप्त व्यक्तिलाई जिम्मेवारीमा निरन्तरता दिएको भन्दै सरोकारवालाले आपत्ति जनाएका छन्। निर्णय भइसकेपछि पनि त्यसको कार्यान्वयनमा ढिलाइ गर्नु वा बेवास्ता गर्नु प्रशासनिक तथा कानुनी प्रश्न बन्न सक्ने जानकारहरू बताउँछन्।
विश्वविद्यालय प्रशासनले भने निर्णय कार्यान्वयन नगर्नुको कारणबारे हालसम्म स्पष्ट धारणा सार्वजनिक गरेको छैन।
अब सम्बन्धित निर्णय तत्काल कार्यान्वयन हुन्छ वा विश्वविद्यालय प्रशासनले पुरानै अवस्थालाई निरन्तरता दिन्छ भन्ने विषय चासोको बनेको छ। निर्णय कार्यान्वयनमा विश्वविद्यालय प्रशासनको भूमिकाबारे थप प्रश्नसमेत उठ्न थालेका छन्।
