शान्तिनगरमा तेस्रो सिटि कप खुला पुरुष भलिबल हुने

दाङ । दाङको शान्तिनगरमा तेस्रो सिटि कप खुला पुरुष भलिबल प्रतियोगिता २०८० हुने भएको छ । सिटि युथ क्लब शान्तिनगर ६ र ७ को आयोजनामा श्री शिवशक्ति माध्यमिक विद्यालय धनौरीको खेल मैदानमा संचालन हुने प्रतियोगिता यहि असोज २७ गते देखि सुरु हुने भएको हो ।

प्रतियोगिताको शान्तिनगर गाउँपालिका अध्यक्ष प्रमोद बस्नेतले उद्घाटन गर्ने कार्यक्रम तय भएको प्रतियोगिता संचालन समितिका संयोजक आनन्द बुढाथोकीले जानकारी दिएका छन् । तीन दिनसम्म सञ्चालन हुने प्रतियोगितामा दाङ जिल्लाका दस पालिका भित्रका झन्डै १२ बढी टिमको सहभागिता रहनेछ ।

प्रतियोगिताको उपाधी जित्ने टिमले नगद ८५ हजार, कप, मेडल प्रमाणपत्र हात पार्नेछ । त्यस्तै द्वितीय र तृतीय स्थान हासिल गर्ने टिमले क्रमशः ५० र २५ हजार नगद, कप, मेडल प्रमाणपत्र हात पार्नेछन् । प्रतियोगिता अवधिभर उत्कृष्ट खेल प्रदर्शन गर्ने खेलाडी मध्य व्यक्तिगत बिधा तर्फ सर्वोत्कृष्ट हुने खेलाडीलाई नगद २ हजार ५, अन्य बिधामा नगद १ हजार ५ सयका साथमा ट्रफी प्रदान गरिने आयोजकले जानकारी दिएको छ ।

प्रकाशित मिति : २०८० असोज २३ गते मङ्गलवार
प्रतिक्रिया दिनुहोस