दाङ । बाँकेको नेपालगञ्ज उपमहानगरपालिका–१५ जमुनाहबाट अवैध लागूऔषध खैरो हेरोइन जस्तो देखिने पदार्थ ९ ग्रामसहित दाङको घोराही उपमहानगरपालिका–१४ नयाँबजार बस्ने १९ वर्षीय महेन्द्र बुढा मगरलाई बिहीवार दिउँसो प्रहरीले पक्राउ गरेको छ ।
ईलाका प्रहरी कार्यालय जमुनाह र लागूऔषध नियन्त्रण ब्यूरो नेपालगञ्जबाट खटिएको संयुक्त टोलीले भारतबाट नेपालतर्फ पैदल आउँदै गरेका उनलाई पक्राउ गरिएको हो ।
झापाको भद्रपुर नगरपालिका–८ स्थित भद्रपुर विमानस्थलबाट अवैध लागूऔषध ब्राउनसुगर जस्तो देखिने पदार्थ १२ ग्रामसहित लमजुङको बेशीशहर नगरपालिका–६ घर भई काठमाडौं महानगरपालिका–५ डेरा गरी बस्ने २४ वर्षीय युकेन गुरुङलाई बिहीवार साँझ प्रहरीले पक्राउ गरेको छ ।
बुद्ध एयरको उडानद्वारा काठमाडौं जान लागेका उनलाई विमानस्थल सुरक्षा गार्ड चन्द्रगढीबाट खटिएको प्रहरीले जाँच गर्ने क्रममा ट्राउजरको ईजार रहने प्वालभित्र लुकाई राखेको फेला पारी पक्राउ गरिएको हो । प्रहरीले आवश्यक अनुसन्धान गरिरहेको छ ।
