काठमाडौं। निर्वाचन आयोगले स्थानीय निर्वाचनकाे खर्च विवरण नबुझाउने उम्मेदवारमाथि कारबाही गरेको छ ।
आयोगले आज शुक्रवार एक विज्ञप्ति निकालेर एक लाख २३ हजार ६ सय २४ जना उम्मेदवारमाथि कारबाही गरेको जानकारी दिएकाे हो । खर्च विवरण नबुझाउने उम्मेदवारले आयोगलाई सात लाख ५० हजारदेखि डेढ लाख रुपैयाँसम्म जरिबाना तिर्नुपर्नेछ ।
आयोगले महानगरपालिकाका मेयर र उपमेयरका उम्मेदवारलाई सात लाख ५० हजार रुपैयाँ, उपमहानगरपालिकाका मेयर र उपमेयरका उम्मेदवारलाई पाँच लाख ५० हजार रुपैयाँ, नगरपालिकाका मेयर र उपमेयरका उम्मेदवारलाई चार लाख ५० हजार रुपैयाँ, गाउँपालिका प्रमुख र उपप्रमुखका उम्मेदवारलाई तीन लाख ५० हजार रुपैयाँ जरिबाना गर्ने निर्णय गरेको छ ।
याे जरिबाना रकम ६ महिनाभित्र पेस गर्नुपर्ने आयाेगकाे विज्ञप्तिमा उल्लेख छ ।
विज्ञप्ति हेर्नुहोस् :
प्रकाशित मिति : २०७९ भाद्र ३१ गते शुक्रवार
