काठमाडौं । नेपालमा सक्रिय कोरोना संक्रमितको संख्या ५० हजार नजिक पुगेको छ । बुधबारसम्म नेपालमा सक्रिय संक्रमितको संख्या ४७ हजार ९२९ पुगेको छ ।
यसमध्ये काठमाडौंमा २२ हजार ३०, ललितपुरमा ५ हजार २२६ र भक्तपुरमा २ हजार ९५२ सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।
त्यस्तै १३ जिल्लामा ५०० भन्दा धेरै सक्रिय संक्रमित रहेका छन् । काठमाडौं, ललितपुर, चितवन, मकवानपुर, काभ्रेपलाञ्चोक, भक्तपुर, मोरङ, सुनसरी, झापा, कास्की, बाँके, रुपन्देही र कैलालीमा ५०० भन्दा धेरै सक्रिय संक्रमित छन् ।
नेपालमा हालसम्म ११ हजार ६२८ कोरोना संक्रमितको मृत्यु भइसकेको छ । ८ लाख १८ हजार १६० संक्रमित निको भइसकेका छन् । ८ लाख ७७ हजार ७१७ कोरोना संक्रमित भइसकेका छन् ।
हालसम्म ५० लाख ५४ हजार १९८ पीसीआर परीक्षण गरिसकिएको छ ।
प्रकाशित मिति : २०७८ माघ ६ गते बिहिवार
