काठमाडौं । लुम्बिनी र सुदूरपश्चिम प्रदेशका केही ठाउँमा आज(विहीबार) मेघगर्जनसहित वर्षा हुने सम्भावना रहेको मौसमविद्ले बताएका छन् ।
मनसुनी न्यूनचापीय रेखाको प्रभावका कारण आज बेलुका लुम्बिनी र सुदूरपश्चिम प्रदेशका केही ठाउँमा ठूलो वर्षा हुने र अरु प्रदेशमा सामान्यदेखि मध्यम खालको पानी पर्ने सम्भावना रहेको मौसमविद् समिर श्रेष्ठले जानकारी दिए ।
दिउँसो भने देशभरको मौसम आंशिकदेखि सामान्य बद्ली भएर गण्डकी, लुम्बिनी, सुदूरपश्चिम र कर्णाली प्रदेशका केही ठाउँमा मेघगर्जनसहित सामान्यदेखि मध्यम खालको पानी पर्ने सम्भावना छ ।
पर्सीसम्म मौसम यस्तै रहने मौसम पूर्वानुमान महाशाखाले जनाएको छ ।
प्रकाशित मिति : २०७८ भाद्र ३१ गते बिहिवार
