तुलसीपुर । तुलसीपुुरमा मंगलबार दिउँसो करिब चार लाख बराबरको सुनका गरगहना चोरी भएको छ । तुलसीपुर-६ भुयाँरथान नजिक बस्ने प्रेमसिं घर्तीको कोठाबाट ठुलो मात्राको सुन चोरी भएको हो ।
छोरीलाई विद्यालयमा लिन गएको समयमा कोठामा कोही नभएको मौका छोपी चोरले सुन चोरेको पीडित घर्तीले जानकारी दिए । ‘दिउँसो सवा तीन बजेको समयमा म छोरीलाई लिन विद्यालय गएको थिएँ’ उनले भने -‘घरबाट निस्केको करिब १५ मिनेटभित्रै चोरले दराज खोलेर चार लाख बराबरको गरगहना चोरी भएको छ ।’
चोरले नेक्लेस, रानीहार,औँठी, बाला लगायतका गरगहना र नगद चोरेको उनले बताए । सुन चोरी भए लगत्तै प्रहरीलाई खबर गरेपनि चोर पत्ता लाग्न नसक्नेको घर्तीले बताए ।
प्रकाशित मिति : २०७८ भाद्र २९ गते मङ्गलवार
